U3F1ZWV6ZTk4ODI1MDg0MTBfQWN0aXZhdGlvbjExMTk1NTE4ODIyMQ==
random
إخترنا لكم

صيف جوجل للبرمجة Google Summer of Code

تك بوست - Tech Post

صيف جوجل للبرمجة  Google Summer of Code 

ما هو الـ Google Summer of Code :-

الـ Google Summer of Code هو برنامج مشترك بين 3 اطراف وهما جوجل وطلبة الجامعات والمعاهد و عدد من مؤسسات الـ open source ، هي فكرة البرنامج إن جوجل بتدفع لكل طالب بيتقبل مع مؤسسة من المؤسسات دي مبلغ  2400 $ السنة دي بس دا مقابل إنه يقعد 3 شهور في الصيف شغال علي مشروع معين من مشاريع المؤسسة إللي هوا قدم فيها .

إزاي تختار مشروع ؟

المفروض قبل ما تختار المشروع تكون عارف نفسك ، يعني إنت كويس ولا فاضي ، متمكن من لغات إيه ! ، لأن دا هو اللي هيساعدك فـى تحديد المؤسسة إللي حضرتك هتشترك معاها ، يعني لو إنت لسة طالب في الفرقة الاولي ومتعرفش غير c# ، يبقي تبحث عن مؤسسات عندها مشاريع على نفس اللغه ، وأوعي تقلق ممكن تقول في الـ proposal إن إنت لسة محتاج تتعلم وتعلي مستواك في اللغة دي ، هما هيقدروا دا كويس جداً . فـ لو إنت لسة مش متمكن في لغة حاول تدور علي مشاريع الـ easy ، كل مؤسسة بتكتب درجة صعوبة المشروع .

إنت ليك الحق تقدم علي 5 مشاريع مختلفين ، بس حاول تقدم في مشروع واحدة لإنك هتتعب في الـ proposal ، فـ بلاش تشتت نفسك في أكتر من مشروع ، ممكن تيجي علي نفسك شوية وتقدم في أكتر من مشروع أو مؤسسة لو إنت حاسس إن مش هتتقبل في مشروع معين .



محتوى كتابة الـ proposal ؟

مش كويس إن إنت تكتب أي كلام في الـ proposal لأن كل مشروع بيبقي ليه mentor أو أكتر عشان يوجهوا الطلبة اللي هيتقبلوا ، ويوصلوهم للطريق الصح ، ع العموم كل مؤسسة بتبقي موفرة أكتر من طريقة تواصل بين الطلبة و mentors ، المهم لما تجهز الـproposal تروح باعته للـ mentors وتسألهم هل كويس ولا لآ ، ومتقلقش الناس دي كويسة جداً وزوق في الرد وهتساعدك ، ف لو مش عارف تكتب إيه في الـproposal ممكن تبعلهم مفهاش أي مشكلة .

المهارات المطلوبة :-

كل ما كنت أقوي في اللغة الخاصة بالمشروع إللي إنت قدمته كل ما زادت فرصتك في القبول ، بس دا مش معناه إنك تستني كمان 4 أو 6 سنين عشان تحس إنك تستاهل القبول ، هو طبيعي إن إنت لو إتقبلت خبرتك هتزيد بشكل كبير جداً .

أولا كدا هتحتاج لغة برمجة تكون عارف بتتكتب إزاي وتكون كتبت بيها قبل كدا كام برنامج .
كمان تكون عارف OOP وتكون عارف إزاي تكتب كود OOP باللغة إلي إنت فاهمها .
وأوعي تنسي الـversion control إللي هوا زي GIT إللي أصلا أغلب المؤسسات المعروفة في عالم التكنولوجيا شغالة بيه دلوقتي .


في كام مهارة كدا بس مش technical أوي يعني ، زي الاستيعاب السريع مثلا أو زي ما بنقول بتفهمها وهي طايره ، طول ما أنت شغال علي الـ proposal هتكون أسالتك كتير عن فكرة المشروع ورؤية المؤسسة من المشروع ، ف حاول تدور علي كل معلومة - كويس كويس كويس - لأن كل سؤال هتسأله هيترد عليك بلينكات لمقالات ترد علي أسألتك فأنت تقراء كويس وتنفذها في المشروع ، ودايما إرجع للـ Mentors باللي وصلتله وباللي فهمته ، حتي لو غلط بس ع الأقل تبين لهم إنك مهتم وواخد الموضوع بجد .

طريقة التقدم :-

في بداية كل سنة بتبدأ عدد من مؤسسات الـ open source يقدموا لجوجل إنهم عاوزين يشتركوا معاها في البرنامج دة ، في شهر مارس بيتم إعلان المؤسسات اللي إتقبلت ، بعدها بيتفتح التقديم للطلاب في مشاريع المؤسسات دي وكل مؤسسة بتفهمك المشروع بتاعهم وأفكارهم و الـ timeline اللي هتمشي عليه .

رابط التسجيل 


تك بوست - Tech Post
الاسمبريد إلكترونيرسالة